Due Diligence ជាអ្វី?

មុនពេលធ្វើការវិនិយោគ លោកអ្នកត្រូវតែយល់ដឹងពីអ្វីគ្រប់យ៉ាងអំពីវាដើម្បីឱ្យការសម្រេចចិត្តរបស់លោកអ្នកត្រឹមត្រូវ។ ដូចគ្នាទៅនឹងអចលនទ្រព្យដែលលោកអ្នកគួរធ្វើការស្រាវជ្រាវឱ្យច្បាស់ មុនពេលចុះហត្ថលេខាលើការទិញលក់អចលនទ្រព្យ។ Due diligence ជាមធ្យោបាយដែលធ្វើឡើងដើម្បីឱ្យប្រាកដថាអ្នកនឹងទទួល​បាន​អចលនទ្រព្យ​ដ៏ត្រឹមត្រូវ និងស្របច្បាប់។

ការស្រាវជ្រាវ Due diligence អាចធ្វើឡើងដោយអ្នកទិញ ប៉ុន្តែជាការល្អបំផុតគឺគួរធ្វើជាមួយមេធាវី ឬ ភ្នាក់ងារអចលនទ្រព្យដែលគួរឱ្យទុកចិត្ត ឬ អ្នកត្រួតពិនិត្យផ្ទះ។ នៅក្នុងប្រទេសកម្ពុជា ការធ្វើ Due diligence ស្របច្បាប់ជារឿងចាំបាច់សម្រាប់អ្នកទិញ ដោយប្រទេសនេះមានទីផ្សារអចលនទ្រព្យកើនឡើងលឿនបំផុតនៅក្នុងតំបន់អាស៊ីអាគ្នេយ៍។

Due diligence ត្រូវបានរៀបចំដោយភ្នាក់ងារអចលនទ្រព្យ ឬមេធាវីដែលមានព័ត៌មានសំខាន់ៗទាំងអស់ដែលអ្នកត្រូវការ មុនពេលចុះហត្ថលេខាលើកិច្ចសន្យាទិញអចលនទ្រព្យ។ ការស្រាវជ្រាវនេះអាចត្រូវបានធ្វើបន្ទាប់ពីអ្នកធ្វើការផ្តល់សំណើរទិញទៅកាន់អ្នកលក់ តែប្រសិនបើធ្វើវាមុនកាន់តែល្អ។

លើសពីនេះ រយៈពេលនៃការធ្វើ due diligence មិនមានពេលវេលាជាក់លាក់នោះទេ ដោយជាមធ្យមគឺ 10 ទៅ 15 ថ្ងៃសម្រាប់ទាំងអ្នកទិញ និងអ្នកលក់ក្នុងការយល់ព្រមលើកិច្ចសន្យា។ ម្យ៉ាងវិញទៀត ភាគីទាំងពីរក៏អាចពិភាក្សាអំពីរយៈពេលសម្រាប់ដំណើរការនេះបានផងដែរ។

អ្វីដែលអ្នកត្រូវដឹងអំពីការស្រាវជ្រាវ Due diligence គឺវាមានភាពទូលំទូលាយ ដែលមានតាំងពីការសម្ភាសន៍ និងការស្រាវជ្រាវលើប្រជាជននៅក្នុងតំបន់ អាជ្ញាធរពន្ធដារ និងសុរិយោដី។ នេះមានន័យថានឺងរួមបញ្ចូលទាំង ព័ត៌មានអំពីអចលនទ្រព្យ អ្នកលក់ បញ្ហាណាមួយប្រសិនបើមាន។

នៅពេលដែលអ្នកបានពិនិត្យរបាយការណ៍ Due diligence យ៉ាងហ្មត់ចត់ ហើយមិនបានរកឃើញបញ្ហាណាមួយជាមួយអចលនទ្រព្យនោះទេ អ្នកអាចបន្តដំណើរការទិញ និងចុះហត្ថលេខាលើកិច្ចសន្យាបានហើយ។ តែប្រសិនបើអ្នករកឃើញបញ្ហាណាមួយ អ្នកអាចធ្វើការស្នើសុំទៅអ្នកលក់ដើម្បីជួសជុល ឬអាចលុបចោលសំណើរទិញក៏បាន។

Besides that, always do your due diligence on all investments, especially when buying real estate property so you get your money’s worth!