បើកដំណើរការឡើងវិញ៖ ខេត្តសៀមរាបបើកដំណើរការជាផ្លូវការសម្រាប់ទេសចរណ៍ “ធម្មតា” ឡើងវិញ 

បន្ទាប់ពីការផ្អាកសកម្មភាពអស់រយៈពេលជិតពីរឆ្នាំ ដែលសារតែជំងឺរាតត្បាត ក្រុងសៀមរាបដែលគេស្គាល់ថាជាមជ្ឈមណ្ឌលទេសចរណ៍អន្តរជាតិ និងជាច្រកចេញចូលនៃប្រាសាទនៅតំបន់អង្គរ ឥឡូវនេះបានបើកដំណើរការជាផ្លូវការហើយ។

ទោះបីជាមានការផ្អាកនៅក្នុងវិស័យចម្បងរបស់កម្ពុជាមួយនេះក៏ដោយ ក៏រាជរដ្ឋាភិបាលបានបន្តពង្រឹងនូវហេដ្ឋារចនាសម្ព័ន្ធដែលមានស្រាប់ ដូចជាហេដ្ឋារចនាសម្ព័ន្ធផ្លូវថ្នល់ និងប្រព័ន្ធគ្រប់គ្រងកាកសំណល់ ដើម្បីរៀបចំសម្រាប់ការត្រឡប់មកវិញរបស់ភ្ញៀវទេសចរនាពេលខាងមុខ។

គិតត្រឹមខែមុន វឌ្ឍនភាពនៃការអភិវឌ្ឍហេដ្ឋារចនាសម្ព័ន្ធសម្រាប់ គម្រោងផ្លូវ 38 ខ្សែ ក្នុងខេត្តសៀមរាប សម្រេចបាន 92.72% ពោលគឺក្នុងមួយឆ្នាំបន្ទាប់ពីការបើកដំណើរការគម្រោង ដែលមានតម្លៃជាង 149 លានដុល្លារ។

​គួបផ្សំនឹងការជំរុញការចាក់វ៉ាក់សាំងដ៏ខ្លាំងក្លាសម្រាប់ប្រជាជនកម្ពុជា ក៏ដូចជាជនបរទេស កម្ពុជាបានឈានដល់អត្រាអ្នកចាក់វ៉ាក់សាំងខ្ពស់រហូតដល់ 81.2% ធៀបនឹងបណ្តាប្រទេសអភិវឌ្ឍន៍មួយចំនួនដូចជាប្រទេសកូរ៉េខាងត្បូង និងប្រទេសជប៉ុន។

ជាងនេះទៅទៀត គិតត្រឹមខែតុលា ក្រសួងការបរទេស និងសហប្រតិបត្តិការអន្តរជាតិ បានប្រកាសចាប់ផ្តើមកម្មវិធីលើកលែងទិដ្ឋាការទេសចរណ៍ និងកម្មវិធីលើកលែងទិដ្ឋាការឡើងវិញ ដែលនឹងផ្តល់ភាពងាយស្រួលដល់អ្នកដំណើរចូលមកប្រទេសកម្ពុជា និងជំរុញសកម្មភាពក្នុងឧស្សាហកម្មដែលពឹងផ្អែកលើទេសចរណ៍។ គម្រោងទិដ្ឋាការអេឡិចត្រូនិកសម្រាប់ភ្ញៀវទេសចរ ក៏ចាប់ផ្តើមមានសារជាថ្មីម្តងទៀតចាប់តាំងពីថ្ងៃទី 19 ខែតុលា។

ទាំងអស់នេះអាចកំណត់ការផ្លាស់ប្តូរដោយរលូនទៅកាន់ស្ថានភាពធម្មតាសារជាថ្មីម្តងទៀត ដោយសារអត្រានៃការចាក់វ៉ាក់សាំងមានអត្រាតួលេខខ្ពស់បានអនុញ្ញាតឲ្យព្រះរាជាណាចក្រកម្ពុជាអាចបើកដំណើរការឡើងវិញកាលពីខែមុន សម្រាប់ស្វាគមន៍ភ្ញៀវទេសចរដែលបានចាក់វ៉ាក់សាំងរួចរាល់មកពីក្រៅប្រទេស ដោយមិនមានការដាក់ឲ្យនៅដាច់ពីគេទៀតនោះឡើយ។

បើតាមលោកស្រី ឆាយ ស៊ីវលីន ប្រធានសមាគមទីភ្នាក់ងារទេសចរណ៍កម្ពុជា វិស័យទេសចរណ៍គឺនៅពីក្រោយសេដ្ឋកិច្ចជាង 12% ដែលផ្តល់ការងារដល់ប្រជាជនប្រមាណ 63 ម៉ឺននាក់ក្នុងឆ្នាំ2019។ ការបាត់បង់ការងារគឺជាផលប៉ះពាល់មួយ ក្នុងចំណោម ផលប៉ះពាល់ផ្សេងៗដែលបណ្ដាលមកពីជំងឺ Covid-19 មកលើសេដ្ឋកិច្ចរបស់ប្រទេសកម្ពុជា។

ទោះជាយ៉ាងណាក៏ដោយ គិតត្រឹមថ្ងៃទី 8 ខែធ្នូ បន្ទប់សណ្ឋាគារជិត 20,000 ត្រូវបានប្រកាសថានៅទំនេរសម្រាប់បើកទទួលភ្ញៀវឡើងវិញនៅក្នុងខេត្តសៀមរាប ដែលជាសញ្ញាវិជ្ជមាននៃការងើបឡើងវិញសម្រាប់ឧស្សាហកម្មទេសចរណ៍របស់ទីក្រុង។ សូម្បីតែសេវាកម្ម និងភោជនីយដ្ឋានផ្សេងៗក៏បានដំណើរការឡើងវិញ ខណៈកន្លែងទាក់ទាញថ្មីៗកំពុងកើនឡើងផងដែរ។

មួយក្នុងចំណោមនេះគឺ Angkor Eye Ferris Wheel ដែលបានបញ្ចេញពន្លឺយ៉ាងចិញ្ចែងចិញ្ចាចររបស់ខ្លួននាខេត្តសៀមរាបក្នុងពិធីបុណ្យអុំទូកកាលពីចុងខែវិច្ឆិកា។ គោលដៅទាក់ទាញភ្ញៀវទេសចរមួយនេះនេះបានបើកដំណើរការនៅថ្ងៃទី 01 ខែមីនា ឆ្នាំ 2020 ប៉ុន្តែបានផ្អាកជាបណ្តោះអាសន្ន ដោយសារជំងឺរាតត្បាត។

មជ្ឈមណ្ឌល Hariharalaya Retreat Centre ដែលជាកន្លែងស្នាក់នៅដែលផ្តោតលើភាពស្ងប់ស្ងាត់ផ្នែកផ្លូវចិត្ត ក៏បានដំណើរការ និងចាប់ផ្តើមប្រតិបត្តិការឡើងវិញ និងកាន់តែធំជាងមុននៅក្នុងបរិវេណបាគងរបស់ពួកគេជាមួយនឹងការសម្រាកលំហែកាយចំនួនពីរព្រឹត្តិការណ៍គឺក្នុងអំឡុងពេលបុណ្យណូអែល និងបុណ្យឆ្លងឆ្នាំសាកល។

ចំពោះហាងកាហ្វេ និងភោជនីយដ្ឋានក៏កំពុងទទួលបានកិច្ចសហការគ្នាផងដែរ ដោយហាងកាហ្វេ Little Red Fox Espresso បានរៀបចំការតាំងពិព័រណ៌សិល្បៈ ព្រមគ្នាជាមួយការបើកដំណើរការ របស់ពួកគេនៅថ្ងៃទី 14 ខែធ្នូ និងបានបន្តបើកជាផ្លូវការនៅថ្ងៃទី 19 ខែធ្នូ។

គិតត្រឹមខែមេសាឆ្នាំនេះ ព្រះរាជាណាចក្រកម្ពុជាបានអនុម័តផែនទីបង្ហាញផ្លូវឆ្នាំ 2021-2025 ដើម្បីស្តារវិស័យទេសចរណ៍កម្ពុជាឡើងវិញក្នុងអំឡុងពេល និងក្រោយពេលជំងឺរាតត្បាត។

ការបើកដំណើរការជាផ្លូវការនៃខេត្តសៀមរាបត្រូវបានធ្វើឡើងស្របពេលជាមួយនឹងដំណាក់កាល “ភាពរឹងមាំ និងការដំណើរការឡើងវិញ" ដែលបានកំណត់សម្រាប់ឆ្នាំ 2021, “ការងើបឡើងវិញ” នៅឆ្នាំ 2022 និងឆ្នាំ 2023 និង "ចាប់ផ្តើមឡើងវិញ" នៅឆ្នាំ 2025។ តាមរយៈផែនការមេនេះ ខេត្តតែមួយរំពឹងថានឹងមានភ្ញៀវទេសចរអន្តរជាតិចំនួន 7.5 លាននាក់ និងបង្កើតការងារ 940,000 សម្រាប់ប្រជាពលរដ្ឋ។